• Басты
  • Жеңілдетілген автонесиелеу бағдарламасы аясында автомобильдің лимит құны 9 млн-ға дейін өседі
29 Қазан, 2015 13:32

Жеңілдетілген автонесиелеу бағдарламасы аясында автомобильдің лимит құны 9 млн-ға дейін өседі

Жеңілдетілген автонесиелеу бағдарламасы аясында автомобильдің лимит құны 9 млн-ға дейін өседі. Бұл туралы бүгін Орталық коммуникациялар қызметінде өткен баспасөз мәжілісінде «Қазақстанның даму банкі» (ҚДБ) АҚ басқармасының төрағасы Болат Жәмішев мәлімдеді.
Жеңілдетілген автонесиелеу  бағдарламасы аясында автомобильдің  лимит  құны 9 млн-ға дейін өседі | Strategy2050.kz

«Біз 5,6 млн теңгеден 9 млн теңгеге дейін соманы өсіріп жатырмыз. Бұл автомобиль құнының өсуімен байланысты», - деді Б.Жәмішев.

Бағдарламаға қосымша ретінде тағы 10 млрд теңге бағытталады.

«Жеңілдетілген автонесилердің екінші траншына 10 миллиард теңге бөлінеді. Үкімет бір айдың ішінде қаулы қабылдайды деп үміттенемін. Бірақ транш қай кәсіпорынға берілетіні әзірге белгісіз. Оның бәрі Үкімет қабылдаған қаулыдан кейін анықталады. Қараша айының екінші жартысында бұл бағдарлама әрі қарай жалғасады деп ойлаймын», – дейді Болат Жәмішев.

Банк төрағасы жеңілдетілген автонесилердің бірінші траншы бойынша қанша тұлға автокөлікке ие болғанын да айтып өтті.

«Жеңілдетілген автонесилер беру бағдарламасы аясында биылғы жылдың 22 қазанындағы мәлімет бойынша ҚДБ жеке тұлғалардың 3991 өтінішін қанағаттандырды. Жалпы сомасы 12 млрд 485 млн теңгеге Қазақстанда шығарылған автокөліктерді сатып алуға коммерциялық банк-агенттерге келіп түкен өтініштер бойынша ҚР Үкіметінің бекітілген қаржыландыру талаптарына сәйкестігін растады», – дейді ол.

Жеңілдетілген автонесиелеу бағдарламасы  президенттік бастама «Нұрлы жол» аясында жүзеге асырылды.

Анар Тәңірқұлова

 

 

 

 

 

 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды