• Басты
  • Сенат жемқорлыққа қарсы іс-қимыл туралы заңды қабылдады
29 Қазан, 2015 13:07

Сенат жемқорлыққа қарсы іс-қимыл туралы заңды қабылдады

Бүгін Сенаттың жалпы отырысында палата депутаттары «Сыбайлас жемқорлыққа қарсы іс-қимыл туралы» заңды қабылдады.
Сенат жемқорлыққа қарсы іс-қимыл туралы заңды қабылдады

Заң жобасының мақсаты – сыбайлас жемқорлыққа қарсы іс-қимыл саласындағы заңнаманы жетілдіру, жеке және заңды тұлғалардың құқықтары мен заңды мүдделерін қорғау, сондай-ақ мемлекеттік аппарат пен өзге де салаларда сыбайлас жемқорлықтың қатерлерінен Қазақстанның қауіпсіздігін қамтамасыз ету болып табылады. 

«Атап айтқанда, «Сыбайлас жемқорлыққа қарсы күрес туралы» заңда белгіленген жемқорлық құқық бұзушылықтардың көпшілігі формалды және тәртіптік сипатта болғандықтан әрі материалдық игіліктерді көздемейтіндіктен, заң жобасында жемқорлық құқық бұзушылықтың жаңа көрінісі енгізіліп отыр», - деп баяндады Мәжіліс депутаты Светлана Бычкова. 

Заң жобасында мемлекеттің сыбайлас жемқорлыққа қарсы саясатын іске асыру бойынша негізгі өкілеттіктері бар уәкілетті орган айқындалды. 

«Сыбайлас жемқорлыққа қарсы мониторингті барлық сыбайлас жемқорлыққа қарсы іс-қимыл субъектілері жүргізеді, оған сыбайлас жемқорлыққа қарсы іс-қимыл жөніндегі уәкілетті орган және оның аумақтық бөлімшелері, мемлекеттік органдар, квазимемлекеттік сектор субъектілері, сондай-ақ жеке және заңды тұлғалар жатады», - деп атап өтті ол. 

Бұдан бөлек, заң жобасында активтер мен міндеттемелер туралы декларацияны, сондай-ақ кірістер мен мүлік туралы декларацияны қамтитын қаржылық бақылау іс-шаралары да көзделген.

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды