Сенат білім беру мәселелері заңына енген өзгертулерді мақұлдады
«Заң жобасы ҚР 8 заңына өзгертулерді енгіздіу қарастырады, заңды түрде студенттердің өндірістік тәжірибесі бекітіледі, бірінші мамандықтың жұмысына тегін ие болу құқығы мен дуальды білім алу және 12 жылдық білім беру моделі», - деді Білім және ғылым министрі Аслан Сәрінжіпов.
Айта кетейік, негізгі жаңалықтардың бірі білім беру жүйесіне студенттердің міндетті өндірістік тәжірибеден өтуі, дуальды оқыту, жастардың бірінші жұмысшы мамандығын тегін алуы секілді мәселелер заңнамалық тұрғыда қамтылады. Бұл ретте дуальды оқытуды өндірістік оқытудың кемінде алпыс пайызда болуын, кәсіпорынның базасында тәжірибеден өтуі қарастырылады. Бұдан бөлек, заң жалпы жүйелік шараларды, соның ішінде мұғалімнің, педагогтың беделін көтеруге бағытталған бірқатар нормалар енгізілді.
Сонымен қатар, заң жобасымен 2017 жылғы 1 қаңтардан бастап мемлекеттік білім беру тапсырысы бойынша оқыған адамдарға оқу орнын бітіргеннен кейін кемінде үш жыл мамандығы бойынша міндетті жұмыспен өтеу нормасы енгізіледі. Әскери және арнаулы оқу орындарын қоспағанда, халықаралық аккредиттеуден өткен жағдайда ғана 2017 жылғы 1 қаңтардан жоғары және жоғары оқу орнынан кейінгі, ал 2020 жылғы 1 қаңтардан техникалық және кәсіптік, орта білімнен кейінгі ұйымдардың мемлекеттік үлгідегі құжаттар беруіне рұқсат беру жолымен біртіндеп аттестаттаудан аккредиттеуге өту ұсынылады.
Министрдің айтуынша, мұғалімдерді даярлау мен жұмысқа қабылдауға қатысты талаптар күшейтіледі.
Білім беру деңгейлері бойынша оқулықтардың, оқу-әдістемелік кешендердің және оқу құралдарының сараптамасын жүргізу ұйымдары жөніндегі қызметке мемлекеттік монополия енгізіледі. Жұмысқа қабылданатын үміткерлерден бұрын сотталғандығы мен психологиялық ауруларының бар-жоғы да тексеріледі, педагогикалық этика қағидасы мен оны орындаудың міндеттілігі енгізіледі. Сонымен бірге ата-аналар мен басқа да заңды өкілдерге педагогтардың қадір-қасиеті мен ар-намысын құрметтеу міндеттеледі.
