Ақмола облысында 263 мың шаршы метр тұрғын үй салынады
2 Қараша, 2013 09:05
«Қолжетімді баспана-2020» мемлекеттік бағдарламасының аясында 2013 жылы өңірде 263 мың шаршы метр тұрғын үй салу жоспарланып отыр. Осы мақсатта республикалық бюджеттен 5,8 млрд теңге қарастырылған, деп хабарлайды Ақмола облысы әкімдігінің баспасөз қызметі.
«Жас отбасыларына арналған баспана құрылысына 470 млн теңге бөлінсе, кезекте тұрған халыққа 700, ал тұрғын үй жинақ жүйесі қатысушылары үшін 780 млн теңге бөлінген», - делінген хабарламада.
Жалпы, инженерлік коммуникациялық инфрақұрылымды қалыптастыру мен дамытуға арнайы 3,8 млрд теңге қарастырылған. Сонымен қатар, биылғы жылдың 9 айында жылдың жоспардың 57 пайызын құрайтын 150,5 мың шаршы метр үй салынған.
