• Басты
  • Өскеменде салынып жатқан толық циклды автозауыттың құрылысына 4,1 млрд теңге бағытталады
28 Қазан, 2015 15:34

Өскеменде салынып жатқан толық циклды автозауыттың құрылысына 4,1 млрд теңге бағытталады

Аймақ басшысы Даниал Ахметов кезекті рет «АЗИЯ АВТО» ЖШС-нің құрылыс алаңында болып, тиісті мемлекеттік органдармен және мердігер ұйымдардың басшыларымен болашақ зауыттың инфрақұрылымын салу мәселелерін ұйымдастыру бойынша кеңес өткізді, деп хабарлады облыс әкімдігі.
Өскеменде салынып жатқан толық циклды автозауыттың құрылысына 4,1 млрд теңге бағытталады | Strategy2050.kz

Осыған дейін айтылғандай, отандық автокөлік шығаруды қолдау мемлекеттік бағдарламасы шеңберінде, «Бизнестің жол картасы - 2020» бағдарламасы бойынша автозауыттың инженерлік инфрақұрылымы салынатын болады. Электрқуатымен, жылумен, сумен қамту, кәріз жүйесі және кіре беріс жолын салу үшін республикалық бюджеттен 4,1 млрд. теңге қарастырылған. Нысан құрылысы 2016 жылдың екінші жарты жылдығында аяқталады деп жоспарланып отыр.

Бүгін кеңес барысында мердігер ұйымдардың өкілдері өткен екі аптада атқарылған жұмыстар турасында есеп берді.

Облыс әкімінің тапсырмасы бойынша жұмыс кестесі жасалған болатын. Даниал Кенжетайұлы өткізіліп жатқан жұмыстар бойынша, әрбір мердігер ұйымға ескертулер жасады.

Жылумен, сумен қамту және кәріз жүйелерін салумен айналысатын «СК Алматы Құрылыс» ЖШС-не құрылысшылардың, жабдықтар мен арнайы техника санын көбейту ұсынылды.

Ал, электрқуатымен қамту жүйесін жүргізуге «Қазэлектромонтаж-С» АҚ жауапты. Бүгінде кәсіпорын Өскемен және Кентау қалаларына трансформаторларға тапсырыс берген.  Облыс әкімі жабдықтың барлық түрлерін жеткізу кестесін көрсетуді сұрады.

Кіре беріс жолдарын салумен «ЭнергоРемСервис-Алматы» ЖШС айналысатын болады. Аталмыш кәсіпорын тиісті дайындық жұмыстарын жүргізіп, жұмыс күші мен техниканы жұмылдыруда. Ал, негізгі жұмыс ертең басталады.

Аймақ басшысы құрылыс-жөндеу жұмыстарының барысын өзі жеке бақылауды жалғастыра отырып, апта сайын құрылыс алаңына келіп тұратынын басып айтты.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды