• Басты
  • ҚР Мемлекеттік хатшысы «Менің Қазақстаным» атты VI халықаралық ән фестивалінің жеңімпаздарын марапаттады
27 Қазан, 2015 20:38

ҚР Мемлекеттік хатшысы «Менің Қазақстаным» атты VI халықаралық ән фестивалінің жеңімпаздарын марапаттады

Қазақстан Республикасының Мемлекеттік хатшысы Гүлшара Әбдіқалықова Шәмші Қалдаяқовтың 85 жылдығына арналған «Менің Қазақстаным» атты VI халықаралық ән фестивалінің жеңімпаздарын марапаттау салтанатына қатысты, деп хабарлады Ақорданың баспасөз қызметі.
ҚР Мемлекеттік хатшысы «Менің Қазақстаным» атты VI халықаралық ән фестивалінің жеңімпаздарын марапаттады | Strategy2050.kz

Қазақтың ән өнерін кеңінен таныту және қолдау мақсатына арналған фестивальге Қазақстан эстрада шеберлері, сондай-ақ «қазақ вальсінің королі» Шәмші Қалдаяқов әндерінің бай мұрасын репертуарына енгізген дарынды жастар қатысты.

Көпшілікке арнаған сөзінде Мемлекеттік хатшы Г.Әбдіқалықова Шәмші Қалдаяқовтың қазақ мәдениеті мен өнерін дамытуға қосқан ерекше үлесіне Қазақстан Президенті тәуелсіздік жылдары үш бірдей Жарлығы арқылы жоғары баға бергенін атап айтты.

Атап айтқанда, 1991 жылы Ш.Қалдаяқов «Қазақстанның халық әртісі» құрметті атағын иеленсе, 2006 жылы оның әйгілі «Менің Қазақстаным» әні еліміздің мемлекеттік әнұранына айналды, ал 2010 жылы авторға ҚР Мемлекеттік сыйлығының лауреаты атағы берілді.

Г.Әбдіқалықова Ш.Қалдаяқов атындағы халықаралық ән фестивалі лауреаттарының ЭКСПО-2017 ұлттық жобасын іске асыру аясында бүкілқазақстандық мәдениеттің таныстырылымы шарасына қатысатынын атап өтті.

Биыл еліміздің барлық өңірінде фестивальдің іріктеу турлары өтті. Бас жүлде үшін 33 қатысушы сайысқа түсті. Фестивальдің бас жүлдесін иеленген Ұлпан Әбдікәрімоваға 1 000 000 теңге ақшалай сыйлық тапсырылды.

Фестивальдің гала-концертіне Қазақстан сахна өнерінің шеберлері – ҚР халық әртісі Н.Нүсіпжанов, республиканың еңбек сіңірген әртістері М.Ілиясова, М.Мұхамедқызы, еліміздің еңбек сіңірген қайраткерлері Х.Шалабаева, А.Жылтыркөзов, халықаралық конкурстардың лауреаттары М.Арапбаева, О.Алтынбеков, Б.Исаев, С.Байжұманова, А.Кішкенбаев және Шәмші Қалдаяқов атындағы «Менің Қазақстаным-2014» халықаралық ән фестивалінің бас жүлдегері Қ.Айбек қатысты.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды