БҰҰ АТМЭӘК-те «Жасыл көпір» серіктестік бағдарламасының тұсаукесері өтті

1 Қараша, 2013 15:54

БҰҰ АТМЭӘК-те ҚР Қоршаған ортаны қорғау министрлігінің қолдауымен «жасыл» экономиканы қолдау және G-Global-ды дамыту Коалициясы ұйымдастырған «Тұрақты даму мақсатындағы әріптестік» атты «Жасыл көпір» серіктестік бағдарламасының тұсау кесері өтті, деп Сыртқы істер министрлігінің баспасөз қызметі хабарлады.

«ҚР Таиланд Корольдігіндегі Елшісі – БҰҰ АТМЭӘК жанындағы тұрақты өкілі М.Есенбаев қатысушыларға ҚР бастамасы - Жасыл Көпiр Серіктестік Бағдарламасын БҰҰ-ның екі аймақтық комисиялары АТМЭӘК пен ЕЭК қостағанын және жаһандық деңгейде "Бiз ынта бiлдiретiн Болашақ" қорытынды құжатында белгіленген «Рио+20» Конференциясының барысында қосталғаны туралы хабардар еттi», - деп хабарламада нақтыланған.

ҚР Үкіметі тарапынан ҚР Қоршаған ортаны қорғау вице-министрі Б.Мұхамеджанов сөз сөйлеп, жиналған қауымды Бағдарламаның табысты бастамасын белгілеген «Жасыл көпір» Серіктестік бағдарламасы бойынша халықаралық конференциясының (ү.ж. 30 қыркүйек, Астана) нәтижелері туралы хабардар етті.

Қазақстандық тарап БҰҰ АТМЭӘК мүше мемлекеттерін Жасыл Көпiр Серіктестік Бағдарламасы шеңберiнде белсендi қатысуға және ынтымақтастыққа шақырды.