Миланда «Халық маркасы» байқауының марапаттау салтанаты өтті
23 Қазан, 2015 19:02
Елбасы Н.Назарбаевтың бастамасы бойынша елде «Қазақстанда жасалған-Сделано в Казахстане» отандық тауарларды қолдау мақсатында акция өтуде. Жоба аясында «Халық маркасы» ұлттық байқауы басталды. Байқау 21 түрі бойынша өтті.
Жобаның басты мақсаты – отандық тауар өндірушілердің мүмкіндіктерін кеңейту , сондай-ақ, нақты тауардың насихатталуына баға беріледі.
«Бұл EXPO MILANO 2015 халықаралық көрмесіне арналған ұлттық байқауы болып табылады. Ол азық-түлік шығармашылық, инновациялар мен дәстүрін көрсетеді. Ал тұтынушы өз кезегінде өзінің таңдаған өніміне сенімді болады», - деді жобаның жетекшісі Римма Тәжірбаева.
Айта кетейік, онлай-дауыс беру 9 қыркүйектен 8 қазанға дейін жалғасты. Шараға 100 қазақстандық бренд қатысты. Оған қоса, 1 млн қазақстандық ел бойынша дауыс беруге қатысты.
