Алматы метросы күніне 24 мың жолаушыны тасымалдайды – А.Есімов
«Биылғы жылдың 9 айында метро 4,8 млн жолаушыны тасымалдады, бұл өткен жылдың осындай уақытымен салыстырғанда 17 пайызға артық», - деді А.Есімов.
Келер жылы, әкімнің айтуынша, тағы да екі станцияның іске қосылуымен метродағы жолаушы тасымалы өсе түспек.
«Қазіргі таңда «Мәскеу» мен «Сайран» станциялары аралығын қосу жұмыстары жүргізілуде. Жұмыс жоспар бойынша орындалып жатыр. Келер жасда біз осы станцияларды іске қосамыз», - деп нақтылады қала басшысы.
Сонымен қатар 2013 жылы газбен жүретін 200 экологиялық такси алынған.
Қала басшысының сөзіне қарағанда, Алматы қаласында жеңілрельсті транспортты жетілдіру бойынша ірі жобалар қолға алынып жатыр. Мұндай транспорт жолдарының құрылысы Еуразиялық даму және жөндеу банкінің қолодауымен келер жылы қолға алынбақ.
«Осы аталған шаралардың барлығы қоғамдық көлікті қолдану көрсеткішін 11 пайызға өсірді. Бүгінде аталмыш қызмет түрін 171 млн шамасында халық қолданған», - деп түйіндеді мегаполис басшысы.
