Қ.Тоқаев: ЕҚЫҰ дағдарыстық жағдайларды шешуде негізгі рөл атқаруыц мүмкін

23 Қазан, 2015 10:43

ЕҚЫҰ дағдарыстық жағдайларды шешуде негізгі рөл атқаруыц мүмкін.Хельсинки қорытынды актісі мен Астанадағы саммиттің мерейтойына арналған «ЕҚЫҰ жетістіктері мен сын-қатерлері» халықаралық конференциясында ҚР Парламенті Сенатының төрағасы, ЕҚЫҰ зиялылар тобының мүшесі Қасым-Жомарт Тоқаев осындай пікір білдірді.

«Жыл сайын бүкіл адамзат түрлі мәселелерге тап болып жатады, олардың ішінде соғыс, қақтығыстар, экономикалық дағдарыс, адамдарды заңсыз сату, босқындар, есірткі айналымы, пандемия, табиғи және техногендік апаттар, ядролық материалдарды тарату бар», - деді Қ.Тоқаев.

«Біз алдымен тұралап қалған, кейін ұзаққа созылған қақтығыстардың куәсі болып отырмыз. Сондықтан біз бұрынғыдай Еуропадағы қауіпсіздік және ынтымақтастық ұйымына үлкен үміт артамыз», - деп атап өтті ол.

Сенат төрағасының пайымдауынша, 57 мемлекет, оның ішінде 4 ядролық держава кіретін бұл ұйым елдер арасындағы сенімді нығайтуға ықпал етуі тиіс және бұл іс оның қолынан келеді.

«Қырғи қабақ соғыс» шиеленіскен кезеңінде құрылған ЕҚЫҰ-ның Ванкуверден Владивостокқа дейінгі орасан кеңістікте бейбітшілік пен тұрақтылықты сақтауда өзекті рөл атқарғаны белгілі. ЕҚЫҰ «қырғи қабақ соғыс» аяқталғаннан кейін де халықаралық қарым-қатынаста оңтайлы температураны сақтап тұруда тиімді тетік болды. 40 жыл өткеннен кейін де бұл ұйым өз мәнін жоғалтқан жоқ, мемлекеттердің ұстанымы келісіліп, ұжымдық шешімдер шығарылатын теңдессіз диалог алаңы болып отыр», - деген пікір білдірді Қ.Тоқаев.

Барлық жаңалықтар