Ақмола облысында ауыл шаруашылығы саласының ФКИ 175 млрд теңгені құрады

Өңірдегі ауыл шаруашылығы жалпы өнімінің физикалық көлем индексі 175 млрд теңгені немесе өткен жылдың сәйкес кезеңімен салыстырғанда 104,4 % құраған, бұл республика бойынша бесінші орын.

«Өнеркәсіптік өндіріс көлемі - 220,3 млрд.теңге немесе 104,9%. Бұл сала бойынша біздің өңір республика бойынша 3-орында. Инвестицияның физикалық көлем индексі   – 109,9%,  бұл көрсеткіш бойынша біздің облыс 7 орында. Құрылыс жұмыстарының көлемі бойынша 5-орында.  Тұрғын-үй енгізу бойынша облыс 3-орында, көрсеткіштер өткен жылмен салыстырғанда бірдей–144,5%» - деп хабарлады баяндамашы.

Өсімдік өсіру саласы өткен жылдың сәйкес кезеңімен салыстырғанда 102,4 % артып, 118,5 млрд.теңгені құраған. Облыс бойынша 11,2 ц/га. орташа өнімділік жағдайында  4,6 млн. тонна астық жиналды. Барлық негізгі үй жануарлары санының көбеюіне байланысты және өндіріс көлемінің артуына байланысты мал шаруашылығы физикалық көлемінің индексі  108,3% құраған.

«Машина құрастыру саласы бойынша «ЕПК Степногорск» АҚ  6,9 мың. тонна подшипниктер шығарған, «КАМАЗ-Инжиниринг» АҚ  426 жүк көлігін жинаған, ал Атбасар электровоз жөндеу зауытының филиалы «Қамқор-Локомотив» ЖШС 3 млрд. 643,4 млн. теңге соммасына электровоздардың жөндеу жұмыстарын жүргізген», - деді басқарма басшысы.

Азық-түлік өнімін өндіру өндірісінде, Б.Малғаждаровтың мәліметінше  өткен жылмен салыстырғанда ет және қосалқы өнімдер өндіру 42,6%, сары май өндірісі 19,1% артқан.

Химиялық өндірісте пестицидтерді өндіру көлемі  4% ұлғайған.