ҚТЖ жедел тасымалдау қызметіне салмағы 3 кг дейінгі сәлемдемелер қабылдай бастады
21 Қазан, 2015 20:13
«Тұлпар-Тальго» пойыздарымен пошталық корреспонденцияларды жедел тасымалдау қызметі («Қазпошта» АҚ бірге) де іске қосылмақшы, деп хабарлады Ұлттық компания.
Қазірдің өзінде Астана және Алматы-2 вокзалдарында орналасқан «Қазпошта» нүктелерінде салмағы 3 кг дейінгі сәлемдемелер қабылдана бастады. Сіздің сәлемдемеңіз енді тәулікке жетпейтін уақытта пойызбен діттеген жеріне жедел жеткізілмек.
Жылдың соңына дейін бұл қызмет облыс орталықтарын түгелдей дерлік қамтитын болады.
