Малайзиялық серіктестер ҚР-ның бизнес құрылымдарымен бірлесе жұмыс істеуге қызығушылық танытты
«Қазақстандық дипломат малайзиялық саясаткерге Қазақстан Республикасы Президенті Н.Назарбаевтың жылы лебіздерін жеткізіп, Қазақстандағы қазіргі саяси және әлеуметтік-экономикалық ахуалымен Елбасының «Стратегия Қазақстан-2050» халыққа үндеуінде жарық көрген мемлекетіміздің өзекті даму бағыттары туралы баяндап берді. Д.Сарекенов, М.Мохамадқа Қазақстанның басты халықаралық бастамаларын таныстырып, «ЭКСПО-2017» халықаралық көрмеге дайындық барысы және жаһандық сұхбат алаңына айналған – Астана Экономикалық Форумының (АЭФ) мақсаттары мен міндеттері туралы айтып берді. Осы орайда, М.Мохамаддты 2014 жылы мамыр айында өтуі жоспарланған VII АЭФ және II Дүниежүзілік дағдарысқа қарсы конференциясына қатысуға шақырды», - деп хабарламада нақтыланған.
Сонымен қатар, тараптар кездесу барысында екіжақты қарым- қатынастарының қазіргі ахуалы мен даму перпективалары жайлы пікір алмасты.
Елші, Қазақстан мен Малайзия арасында дипломатиялық байланыстың орнаған уақытынан бастап екіжақты қарым-қатынастардың серпінді дамып келе жатқандығын, жоғары деңгейде тұрақты саяси диалогтың орнағанын, сонымен бірге сауда-экономикалық және мәдени-гуманитарлық салаларда ынтымақтастықты нығайтуға деген өзара қызығушылықтың артып келетінін атап айтты.
Өз кезегінде, малайзиялық мемлекеттік қайраткер екі ел арасындағы қарым-қатынастарының қазіргі серпініне қанағат білдірді. М.Мохамаддың пікірінше, Қазақстан мен Малайзияны әлеуметтік-мәдени, рухани және ұлттық сан алуандық біріктіреді. Сонымен бірге, М.Мохамад Малайзия тарапының екіжақты сауда-экономикалық ынтымақтастықты, соның ішінде бизнес аралық байланыстарды одан әрі нығайтуға деген терең қызығушылығын қайта жеткізді.
