• Басты
  • Қазақстанда адам құқығын қорғау мемлекет пен азаматтық қоғамның бақылауында – Әділет министрі
20 Қазан, 2015 17:41

Қазақстанда адам құқығын қорғау мемлекет пен азаматтық қоғамның бақылауында – Әділет министрі

Астанада ҚР Президенті жанындағы адам құқықтары жөніндегі комиссияның «Қазақстандағы адам құқықтарының ахуалы туралы» баяндамасының халықаралық таныстырылымы өтті. Бұл құжатты ҚР Әділет министрі Берік Имашев таныстырды.
Қазақстанда адам құқығын қорғау мемлекет пен азаматтық қоғамның бақылауында – Әділет министрі

Айта өтейік, бұл құжат Мемлекет басшысының, халықаралық және ұлттық сарапшылардың оң бағасын алып, қазақ, орыс, ағылшын тілдерінде басылып шығарылды. 

Атап айтқанда, комиссия баяндамасында 2014 жылғы 1 қаңтардан 2015 жылғы 30 сәуірге дейінгі Қазақстандағы адам құқықтарының ахуалы талданған. Құжатта адам құқықтарын қорғау саласында заңнамаға талдау жасалған. Сонымен қатар онда өкілетті мемлекеттік органдардың қызметін бағалау, сондай-ақ әлеуметтік-экономикалық, еңбек және мәдени құқықтарды жетілдірудегі нақты қадамдар ескерілген. 

«Қазақстанда адам құқығын қорғау мемлекет пен азаматтық қоғамның бақылауында», - деді ҚР Әділет министі Берік Имашев баяндаманы таныстыру барысында.

Белгілі болғандай, 2015 жылдың бірінші тоқсанында Комиссия хатшылығы азаматтардың 200-ден астам хат түріндегі және 120 ауызша өтініштерін қарастырды. Адам құқықтары жөніндегі комиссияның қатысуымен 100-ден астам Қазақстан азаматтарының құқықтары қорғалды.

Ботагөз Айтжанова

Барлық жаңалықтар