Халықаралық көрмелер бюросы ЭКСПО-2017-ге дайындық барысын оң бағалады

20 Қазан, 2015 17:58

Париж қаласында Халықаралық көрмелер бюро (ХКБ) Бас Ассамблеясы атқарушы комитетінің кезекті мәжілісі өтіп, онда ЭКСПО көрмелерінің дайындық барысы жөніндегі есебі тыңдалды, деп хабарлады көрменің баспасөз қызметі.

Халықаралық мамандандырылған «Астана ЭКСПО-2017 көрмесінің дайындығы жөнінде «Астана ЭКСПО-2017»ҰК» АҚ төрағасының орынбасары Ербол Шорманов пен Сыртқы істер министрінің бірінші орынбасары «ЭКСПО-2017» Комиссары Рәпіл Жошыбаев баяндады.

«Астана ЭКСПО-2017»ҰК» АҚ төрағасының орынбасары Ербол Шорманов құрылыстық жұмыстардың ағымы жайлы айта кетіп: «Көрме кешенінің айтулы нысаны «Сфера» - 60 пайызға метакаркасы құрылды. Көрменің басқа нысандар бойынша монолиттік каркасты құруы жұмыстары аяқталды, болат құрылымдарды монтаждау жүргізілуде. Пайдаланылуға берілетін алғашқы нысандардың бірі – Ұйымдастырушылар кеңсесі, аяқталуға жақын. Барлығы кестеге сәйкес орындалуда».

Сондай-ақ, ол көрменің контенті мен коммуникациялық жоспарларын және алдағы кезеңге компания қызметінің жоспарларын ұсынды.

«Ағымдағы жылы «Recommended by EXPO-2017» қонақ үй бизнесі, ресторан, туризм және т.б. қатысты сапа бағдарламасын іске қостық. Бүгінде демеуші ретінде 10 аса ірі компаниялар: консорциум NCOC, Эйр Астана, CISCO, Saint-Gobain және тағы да басқа компаниялар қатарымызға қосылды» - деді өз сөзінде Е.Шорманов.

Сыртқы істер министрінің бірінші орынбасары «ЭКСПО-2017» Комиссары Рәпіл Жошыбаев халықаралық қатысушыларды тарту бойынша жүргізіліп жатқан жұмыс туралы атап өтті. Бүгінде 49 ел және 11 халықаралық ұйым «ЭКСПО-2017» қатысатындығын ресми растады.

Отырыстың қорытындылары бойынша ХКБ басшылығы мен мүшелері «ЭКСПО-2017» дайындық барысын оң бағалап, әрі қарай жұмысты тиімді жалғастыруда кеңестерін берді.

Барлық жаңалықтар