ҚР ІІМ: Азаматтық қауіпсіздік жүйесінде 30 мыңнан астам адам жұмыс істейді

19 Қазан, 2015 16:57

Азаматтық қауіпсіздік жүйесінде 30 мыңнан астам адам жұмыс істейді, деп хабарлады ҚР ішкі істер министрінің орынбасары Владимир Божко ҚР Азаматтық қауіпсіздік қызметінің 20-жылдығына арналған салтанатта ҚР ішкі істер министрі Қалмұханбет Қасымовтың құттықтауын оқу барысында.

«Құрметті құтқарушылар, ардагерлер, әріптестер сіздерді баршамызға ортақ мереке – Құтқарушылар күнімен құттықтаймын. Міне, осымен 20 жыл бойы құтқарушылар, өрт сөндірушілер еліміздің қауіпсіздігін қырағы қорғауда және кез-келген уақытта көмекке келуге дайын. Осы жылдар бойы төтенше жағдайларды алдын алу және салдарын жою бойынша тиімді отандық жүйе жасақталды, азаматтық қорғаныс жүйесі мен өртке қарсы қызмет дамуда»,- деп атап өтті Қ.Қасымов.

Бұдан басқа, құтқарушылар мен өрт сөндірушілерді техникалық қамтамасыз ету жақсарып, адамдарды қорғау және құтқару ісінде мол тәжірибе жинақталды.

«Азамақттық қауіпсіздік жүйесін қалыптастыру және дамыту барысында ардагерлеріміздің қосқан үлесі оразан зор. Бүгінде азаматтық қауіпсіздік жүйесінде 30 мыңнан астам адам жұмыс істейді. Құтқарушы - ол жай ғана мамандық емес, ол өмір сүру дағдысы», - делінген министрдің құттықтауында.

Ботагөз Айтжанова

Барлық жаңалықтар