ҚТЖ еңбеккерлерін көлік логистикасына үйретуде

19 Қазан, 2015 18:29

«ҚТЖ» ҰК» АҚ еңбеккерлерін шетелдік оқу орындарында оқыту бағдарламасы аясында «Көліктік логистика» тақырыбында тренинг өткізілді, деп хабарлады компанияның баспасөз қызметі.

Тренингті Шанхай әлемдік логистика университетінің профессоры Джао Тонг өткізді. Оқу барысында халықаралық тасымалдау саласындағы серіктестік, кедендік арнайы аймақты дамыту, интермодальдық контейнерлік жүк тасымалдау, «Құрғақ портты» пайдаланудың техникалық жайлары талданды.

Тренингке «ҚТЖ» ҰК» АҚ-ның көлік логистикасымен айналысатын орталық аппараты, филиалдары мен еншілес кәсіпорындары қызметкерлері қатысуда.

Қазақстан Орталық Азия аймағындағы ірі транзиттік хаб болып табылады. Мемлекет басшысының Ұлы Жібек Жолын жаңғырту бастамашылығы ҚХР председателі Си Цзиньпиннің «Бір белдеу- Бір жол» жобасымен ұштасып жатыр.

Аталмыш тапсырманың стратегиялық маңыздылығына байланысты Астанадағы тренингке Шанхай университетінің профессоры шақыртылды.

1896 жылы негізі қаланған Джао Тонг университеті Қытайдағы жетекші оқу орындарының бірінен саналады. Онда көліктік логистика, коммуникация, халықаралық право, механикалық инженерия сабақтары өткізіледі.

Барлық жаңалықтар