Қарағанды облысында 640 мың тонна бидай бастырылды – әкімдік

Облыстық ауыл шаруашылығы басқармасының хабарлауынша, 652 мың гектардан астам дәнді дақылдар алқабы орылып, бастырылды,  шамамен 640 мың тонна бидай. Шаруышылықтың барлық санаттарындағы картоптың жаппай жиыны  306,9 мың тоннаны, ал көкеністер 71,8 мың тоннаны құрады.

Ауыл шаруашылығы дақылдарының өнімділігін арттыру, тұрып қалған жерлерді игеру, сонымен қатар ғылыми түрде негізделген ауыспалы егісті игеру мақсатында 2016 жылы ауыл шаруашылығы дақылдарын егу алқабын кем дегенде 10%-ға артыру міндеті қойылды.

Көкеністерді өсіру барысында, орамжапырақ пен пиязға басымдық беріледі, себебі өңір орамжапырақпен өзін-өзі 49%-ға, ал пиязбен  шамамен 9%-ға қамтамасыз етуде. Ал, қалған көкеністерге келетін болсақ бұл қажеттіліктер жыл сайын 100%-ға қанағаттандырылуда.

Қарағанды облысының ауыл шарушылығы дақылдарының алқаптарын арттыруға мүмкіндігі зор. Қараусыз қалған егін алқаптарын тарту және суару барысында барынша тамшылатып суару технологиясын пайдалану жоспарланған.