Қарағанды облысында ағымдағы жылы 45 әлеуметтік нысанның құрылысы үшін 7 млрд теңгеден астам қаржы бөлінді – әкімдік
19 Қазан, 2015 15:03
Қарағанды облысында 2015 жылы 45 әлеуметтік нысанның құрылысы үшін 7 млрд теңгеден астам қаржы бөлінді, деп хабарлады аймақ әкімдігі.
Облыстық құрылыс басқармасының мәліметі бойынша, «Бизнестің жол картасы -2020» бағдарламасы аясында 3 нысанның құрылысы қарастырылған – Қарағанды қаласындағы «Ригер» ЖШС телефон желісін тарту, «Теміртау кірпіш» ЖШС сыртқы кәріз жүйесін тарту, Бұқар жырау ауданының «Ұлан»ШҚ электр жарығын тарту.
Бұдан басқа, аяқталу кезеңінде 9 білім беру, 28 денсаулық сақтау, 1 мәдениет және спорт, 1 коммуналды шаруашылық және 1 тәртіпті сақтау нысаны бар.
Айта өтейік, бүгінде құрылыс жұмыстары аяқталу барысында, барлық жұмыстардың 90% жүзеге асырылған.
