Бейжің және Үрімшіде Қазақстанның Қытайдағы Мәдениет күндері өткізіледі
31 Қазан, 2013 16:40
2013 жылғы 5-11 қараша аралығында Бейжің және Үрімшіде (Қытай) Қазақстанның Қытайдағы Мәдениет күндері өткізіледі, деп Мәдениет және ақпарат министрлігінің баспасөз қызметі хабарлады.
«5 қарашада Қытай Ұлттық музейінде «Ұлы дала қазынасы» атты көрме және Бейжің қаласының Ұлттық орындаушылық өнер орталығында Қазақстанның өнер майталмандарының қатысуымен гала- концерт ұйымдастырылады», - деп хабарламада нақтыланған.
Сонымен қатар, Мәдениет күндері аясында «Аstana Ballet» хореографиялық ұжымының жеке 2 концерті өтеді: 7 қараша күні – Бейжіңнің дипломатиялық қалашындағы «XXI ғасыр» Үлкен концерттік залында және 11 қараша күні – Шанхай қаласының Данин концерттік залында. Сондай-ақ, Қазақстанның өнер шеберлерінің концерті Үрімшіде де ұйымдастырылады.
