• Главная
  • А.Өсербаев: Соңғы жылдары әскери қызметшілер арасында суицид байқалмады
19 октября, 2015 12:43

А.Өсербаев: Соңғы жылдары әскери қызметшілер арасында суицид байқалмады

ҚР Қарулы Күштерінде соңғы екі жылда суицид байқалмады. Бұл жөнiнде ҚР Президентi жанындағы Орталық коммуникациялар қызметiнде ҚР Қарулы Күштері қатарына жедел әскери қызметке күзгі шақырудың барысы жөнiнде өткен баспасөз мәслихатында Жинақтау басқармасының басшысы, ҚР ҚК БШ Ұйымдастыру-жұмылдыру жұмыстары департаментi бастығының орынбасары – жасақтау басқармасының бастығы Амантай Үсербаев мәлiмдедi.
А.Өсербаев: Соңғы жылдары әскери қызметшілер арасында суицид байқалмады

«Соңғы екі жыл ішінде ҚР Қарулы күштерінде жедел әскери қызмет жұмысшыларының арасында суицид болмады. Бұл туралы ресми түрде хабарлай аламыз. Бұл қазір әскерилердің психологиялық зерттеудің бірнеше кезеңінен өтеді. Оларға бірегей технологиялар қолданылған. «Ақ сұңқар» бағдарламасы бойынша өткен күзден бастап компьютерлерде тестілеуден өтеді», - деді полковник.

Оның айтуынша, суицид пен оны жасауға әрекеттену диагноз емес психологиялық жағдай.

«Егер адамда психологиялық көрсеткіштер болса, әскерге шақырмау деген ұстаным жоқ. Ол әскерге шақырылып, ол бойынша жұмыстар жүргізіліп, дайындықтан өтеді», - деді А.Өсербаев.

Сондай-ақ, Медициналық комиссия төрағасы – Астананың денсаулық сақтау басқармасы жетекшісінің орынбасары Иван Лидің айтуынша, шақыру аясында медициналық жағдайды жақсарту бойынша қосымша шаралар қолданылады.

Индира Кауметова