Астананың байланыс кәсіпорындары 9 ай ішінде 102 836 млн теңгенің қызметін көрсетті - ҰЭМ
19 Қазан, 2015 11:47
Жедел деректер бойынша 2015 жылғы қаңтар-қыркүйекте қаланың байланыс кәсіпорындары 102836 млн. теңге сомасына қызмет көрсетті, бұл 2014 жылғы сәйкес кезеңнен салыстырмалы бағада 7,9%-ға төмен, деп хабарлады Астана қаласының статистика департаменті.
2015 жылғы қаңтар-қыркүйекте байланыс қызметінен түскен табыстар құрылымында 60,9%-ын жедел әрекетті байланыс алады, интернет - 21,6%, қалааралық және халықаралық байланыс түрлері - 1,4%, жергілікті телефон байланысы - 2,2%, өзге де байланыс түрлері 13,9%-ды құрады.
Табыстардың жалпы көлемінен 65,8%-ы халыққа байланыс қызметін көрсетуден түсті және 67630,4 млн. теңгені құрады, бұл 2014 жылғы сәйкес кезеңдегі деңгейден 17,4%-ға төмен.
Кәсіпорындардың почталық және курьерлік қызмет көрсетуден түскен табысы 3119,1 млн. теңгені құрады, бұл өткен жылғы сәйкес кезең деңгейінен 2,5 есеге жоғары.
