«Жас ұлан» әскери әндер фестивалі ҚР Қарулы Күштерінде өтуде (ФОТО)

Фестивальдің гала-концерті ағымдағы жылдың қазан айының соңында өтеді.   Фестивальдің бағдарламасы үш аталымда байқау бағдарламасында қатысушылардың өнер көрсетулерін қамтиды. Ол: «вокалист орындаушылар», «фольклорлық орындаушылар», «вокалдық-аспаптық ансамбльдер мен орындаушылар». Жеңімпаздарға фестивальдің бағалы жүлделері, дипломдар мен Гран-при табысталады, ал қатысушы жүлдеге ие болады.

Шешуші гала-концертте фестивальдің лауреаттары мен құрметті қонақтар өнерлерін паш етеді. Жыл сайын фестиваль 4 айналымда өткізіледі: 1 айналым – рота-батальон буынында, ІІ айналым – батальон-бригада буынында, ІІІ айналым – ҚР ҚК өңірлік қолбасшылықтарында, әскер тектері мен түрлерінде өтеді.   Байқау шарттары мыналар болып табылады: әскери тақырыптағы, қазақстандық сазгерлердің немесе орындаушылардың шығармасын, жеке (авторлық) музыкалық шығармаларды, фольклорлық жанрдағы туындыны орындау.

«Жас ұлан» әскери әндер фестивалі 1997 жылдан бастап шақырылуға дейінгі, шақыру және армиялық жастарды, ҚР ҚК келісімшарт бойынша әскери қызметшілерін, қызметкерлерін және әскери қызметшілердің отбасы мүшелерін әскери-патриоттық тәрбиелеу бойынша жұмысты жандандыру, көркемөнерпаз армиялық орындаушылар мен ұжымдардың шығармашылық өсуіне қолдау көрсету үшін өткізіліп тұрады.