Көкшетауда түрлі ұлт өкілдері мемлекеттік тілді меңгеруде бақ сынасты (ФОТО)

19 Қазан, 2015 10:24

Көкшетауда өзге ұлт өкілдері арасында «Мемлекеттік тіл - менің тілім», облыстық байқауы өтті, деп хабарлады Ақмола облысы ішкі саясат басқармасы жанындағы «Ақмола Медиа Орталығы».

Байқау мемлекеттік тілді, салт-дәстүр мен тарихты насихаттау аясында шаралар өткізу бойынша ұйымдастырылды. Шараны облыстық Қазақстан халқы Ассамблеясының қолдауымен Ақмола облысының ішкі саясат басқармасы, «Жас ұлан» бірыңғай балалар-жастар ұйымы ұйымдастырды.

Байқаудың ұйымдастырушылары байқаудың бірқатар мақсатын ерекшеледі – қазақ тілін насихаттау, мемлекеттік тілге деген қызығушылықты арттыру, оның мәні мен құныдылығын бағалауды насихаттау, балаларға қазақ тілінің көркемдігі мен ерекшелігін көрсеті.

Байқауға 12-15 жас аралығындағы балалар қатысты, олар Зеренді, Сандықтау, Шортанды, Аршалы, Ақкөл, Бұланды, Еңбекшілдер, Бурабай, Ерейментау, Астрахан, Жарқайың аудандары мен Степногрск, Көкшетау қалаларының жалпы орта мектеп оқушылары. Барлығы 26 адам.

Байқау қорытындысы бойынша I орын Зарина Хаутиева Бұланды ауданы, II орын Адам Штир – Көкшетау қаласы, III орын Евгений Хомич бурабай ауданы.