Прагада Қазақстан-Чех сыртқы істер министрліктері арасында кеңес өтті
Келіссөздер барысында тараптар саясат, сауда-экономикалық, мәдени-гуманитарлық салалардағы екіжақты қарым-қатынастың болашағын талқылап, сыртқы саясат ведомствосының әкімшілік қызметін ұйымдастыру, кадрлық саясат, шет мелекеттегі мемлекеттік мекеме жұмысын бағалау, халықаралық дәрежедегі мамандарды даярлау барысындағы мәселелер бойынша ақпарат және тәжірибемен бөлісті.
Ә. Қарашев чех әріптесін Қазақстандағы қоғамдық-саяси және әлеуметтік-экономикалық даму жағдайымен, жүзеге асырылып жатқан Ұлт жоспары «100 қадам» бағдарламасымен және ЭКСПО-2017-ге дайындық барысымен жан-жақты таныстырды.
П. Гайдушек болса мемлекеттік қызметті жаңғырту және кәсіби дипломатиялық кадрларды жасақтау бойынша мемлекеттік тәжірибемен бөлісті.
Тараптар екі елдің Сыртқы істер министрліктері арасындағы кеңес алу тәжірибесін жалғастыру туралы өзара келісті.
