Швеция ЭКСПО-2017 көрмесіне қатысуға дайын екенін мәлімдеді

17 Қазан, 2015 16:04

ҚР Сыртқы істер министрінің бірінші орынбасары, ЭКСПО-2017 комиссары Рәпіл Жошыбаев Швеция Королдігіне жұмыс жасады, шара барысында швециялық тарап Астанадағы көрмеге қатысуға дайын екенін айтты, деп хабарлады ҚР СІМ.

Р.Жошыбаев Швецияның кәсіпкерлік және инновациялар министрлігінің хатшысы Оскар Стенсетреммен кездесуде ЭКСПО-2017 жалпы шығыны 3 млн доллар екенін атап өтті. Көрмеге «Ericsson» (телекоммуникациялық технология), «EducationFirst» (оқыту, волонтерлік қызмет), «TeliaSonera» (телекоммуникациялар) сынды шведтік компаниялар қатысады.

Р.Жошыбаев сапар барысында Швецияның Парламент спикері Урбан Алинмен кездесті. Екіжақты ынтымақтасатықтың жағдайы мен келешегі талқыланды. У.Алин Қазақстанның халықаралық ұйымдардағы белсенді жұмысын атап өтті, оның ішінде ЕҚЫҰ да бар. Швеция Парламентінің спикері Қазақстанға баратын парламенттік делегацияға төрағалық ететінін айтты. ЭКСПО-2017 көрмесіне қатысатын біріншілік технологияларды таныстыруға шведтік бизнес өкілдері барады.

Стокгольмде ЭКСПО-2017 комиссары Шведтік қоршаған ортаны қорғау бойынша зерттеу институтына барды. Жетекші ғылыми қызметкерлер Швецияның энергетикалық саясатына қатысты таныстырылым қойды. Ғалымдар Астанадағы көрме тұжырымдамасын толық қолдады. ЭКСПО-2017 көрмесіне қатысуда толық «жасыл ноу-хаумен» таныстыруға ниет білдірді.

Р.Жошыбаев сондай-ақ, Швецияның туристік инновациялар орталығының президенті Ян Лундинмен кездесу өткізді. Тараптар бірлескен жобаларды жүзеге асыру мен дамыту сұрақтарын талқылады. Келіссөздер қорытындысы бойынша «Астана ЭКСПО-2017» ҰК» АҚ» мен Швецияның туристік инновациялар орталығы арасында келісім орнатылды.

Стокгольмде СІМ басшылығы мен топ-менеджерлермен нәтижелі келіссөздер өткізілді.

Барлық жаңалықтар