• Басты
  • Г.Әбдіхалықова ҚХА кеңесінің кеңейтілген отырысына қатысты

Г.Әбдіхалықова ҚХА кеңесінің кеңейтілген отырысына қатысты

17 Қазан, 2015 12:36
Қазақстан Республикасының Мемлекеттік хатшысы Гүлшара Әбдіқалықова Қазақстан халқы Ассамблеясы кеңесінің кеңейтілген отырысына қатысты, деп хабарлады Ақорданың баспасөз қызметі.

Кеңес жұмысына Парламент депутаттары,  Президент Әкімшілігінің, мемлекеттік органдардың өкілдері, ғылыми-сараптамалық кеңестің мүшелері, БАҚ өкілдері және шетелдік қонақтар қатысты. 

Отырысқа қатысушылардың алдында сөйлеген сөзінде Г.Әбдіқалықова Мемлекет басшысының Бес институционалдық  реформасын, «100 нақты қадам» – Ұлт жоспарын іске асыру мемлекеттік және қоғамдық институттардың жұмысын түбегейлі қайта форматтауды қарастыратынын атап өтті. Осыған орай қоғамдық келісім мен жалпыұлттық бірлікті қамтамасыз ететін негізгі институттардың бірі ретінде Қазақстан халқы Ассамблеясының рөлі ерекше арта түседі. 

Отырыс барысында Мәдениет және спорт министрі А.Мұхамедиұлы, ҚХА Төрағасының орынбасары, республикалық корей музыкалық комедия театрының  директоры Л.Ни, Қарағанды облысының әкімі Н.Әбдібеков, ҚХА Хатшылығы меңгерушісінің орынбасары Л.Прокопенко баяндама жасады.

Кеңес мүшелері Қазақстан халқы Ассамблеясы жылы іс-шараларының жүзеге асырылу барысы мен қорытындыларын, сондай-ақ Қазақстан халқы Ассамблеясының 2025 жылға дейінгі даму тұжырымдамасы жобасын қарастырды. 

ҚХА кеңесі отырысының қорытындысы бойынша Мемлекеттік хатшы қоғамдағы бірлік пен келісімді одан әрі нығайту жөнінде бірқатар нақты тапсырма берді.    

 

Барлық жаңалықтар