«Нұрлы жол»: Ақтөбе облысында Астана-Ақтөбе-Атырау-Ақтау автожолының құрылысы жоспарлануда

17 Қазан, 2015 12:02

Ақтөбеде Инвестициялар және даму министрі Әсет Исекешев пен облыс әкімі Бердібек Сапарбаев рсепубликалық және жергілікті маңыздағы автожолды дамыту мәселесін талқылады, деп хабарлады ИДМ.

Индустриялық зонадағы жаңа зауыт ашылғаннан кейін өнеркәсіптік өндіріс және 2015-2019 жылдарға арналған Үдемелі индустриялық-инновациялық даму мемлекеттік бағдарламасын орындау мәселелері талқыланды.

Кеңесте өңірде тұрақты даму мен тұрақтылық ең алдымен, мемлекеттік индустриялық-инновациялық даму бағдарламасын жүзеге асыру, жаңа өндірістер мен жұмыс орындарын ашу арқылы мүмкін болып отырғаны атап айтылды.

Ә.Исекешев пен Б.Сапарбаев индустрияландырудың екінші бесжылдығының және «Нұрлы жол» бағдарламасының жүзеге асырылу қарқынын талқылады.

Индустрияландыру картасына Ақтөбе облысынан жалпы құны 799,9 миллиард теңге құрайтын, 12,8 мың жаңа жұмыс орыны ашылатын 91 инвестициялық жоба енгізілген. Оның ішінде Үдемелі индустриялық-инновациялық даму мемлекеттік бағдарламасының бірінші бесжылдығы аясында жалпы құны 552,6 миллиард теңге құрайтын 71 жоба жүзеге асырылып, 6,6 мыңға жуық тұрақты жұмыс орыны ашылды.

Сондай-ақ «Батыс Еуропа-Батыс Қытай» көлік дәлізінің құрылысын 2016 жылы аяқтау және Ақтөбені өңірдің ірі логистикалық орталығына айналдыратын Орталық-Батыс-Ақтөбе-Атырау-Астрахань бағытындағы жол құрылысын бастау мәселелері талқыланды. Экономикадағы кейбір қиындықтарға қарамастан, деп атап өтті Ә.Исекешев, елімізде президенттік индустрияландыру бағдарламаларын және «Нұрлы жол» инфрақұрылымдық даму мемлекеттік бағдарламасын жүзеге асыру жалғасуда.

Барлық жаңалықтар