Г.Әбдіхалықова: «Болашақ» бағдарламасы елдің экономикасына әлемдік технология трансферін құруға мүмкіндік берді

Өзінің құттықтау сөзінде Гүлшара Әбдіқалықова Қазақстан Республикасының Президенті Н.Назарбаевтың бастамасымен ашылған «Болашақ» бағдарламасы жүргізілген мерзім аралығында 8 мыңнан астам жоғары білікті мамандар даярланғанын атап өтті. Бүгінгі күні олар ұлт экономикасының түрлі салаларында: 2 000-нан аса маман өнеркәсіптік және аграрлық секторда, 2 000-ға жуығы білім саласында, 1 500-ге жуығы ақпараттық технологиялар және коммуникациялар саласында табысты еңбек етуде.

Г. Әбдіқалықова президенттік «Болашақ» бағдарламасы Бес институционалдық реформа, Ұлт жоспары, «Нұрлы жол» мемлекеттік бағдарламасы аясында дамып жатқандығына тоқталды. Мемлекеттік хатшы жоғары білікті кадрлар үшін бәсекелестік жағдайында елдің адами капиталы сапасын арттыру қажеттілігіне көңіл бөлді. Гүлшара Әбдіқалықованың айтуынша басты назар стипендиаттарды іріктеу сапасына неғұрлым дарынды жастарды тартуға және ұлттық экономиканы дамытудың басым бағыттары бойынша ғылыми-зерттеу әлеуетін арттыруға аударатын болады.

Г. Әбдіқалықова конференцияға қатысушыларды «Болашақ» бағдарламасын дамытудың жаңа бес жылдық Жоспары шеңберінде ұсынылған бастамаларды жан-жақты талқылауға шақырды.