ШҚО әкімі мен ҚР-дағы Нидерланды елшісі корпоративті-әлеуметтік жауапкершілік мәселелерін талқылады
Екі жақ адамның негізгі құқықтары мен бостандығын сақтаудың заманауи жағдайы және корпоративті-әлеуметтік жауапкершілік мәселелерін талқылады.
Кездесудің бас кезінде облыс әкімі Даниал Ахметов келген қонақтарға аймағымыз туралы айтып, оның индустриалды-инновациялық дамуына, агро өнеркәсіптік кешенінің қарқынды нығайып келе жатқанына тоқталды. Сонымен қатар, ол өңірімзде бүкіл әлем бойынша санаулы өндірістердің қатарына кіретін өнеркәсіптер бар екендігін атап өтті.
Нидерландының Сыртқы істер министрлігінің Адам құқықтары жөніндегі елшісі Кейс Ван Бар Шығыс Қазақстан туралы қызықты ақпараты үшін облыс әкіміне алғысын білдірді. Сондай-ақ, ол адам құқықтарын ұстану, бүкіл әлем елдерінің тұрғындарының қауіпсіздігі мен әл-ауқатына тікелей әсер ететініне жиналғандардың назарын аударды.
«Біз қазір корпоративтік-әлеуметтік жауапкершілікке аса көңіл бөлудеміз», - деп атап өтті елші мырза. – Кезінде бұл ұғым жергілікті фудбол командасын қолдау, балалар үйін салу мен өзге де шаралар ретінде қарастырылатын. Ал, бүгінде корпоративтік-әлеуметтік жауапкершілік денсаулық сақтау, еңбек қауіпсіздігі, қоршаған ортаны қорғау сынды бизнестің барлық түріне қатысты стандарттарды ойластыруда.
Айта кету керек, Шығыс Қазақстан облысында әлеуметтік жауапкершілік шеңберінде бизнестің түрлі саласында көптеген жобалар жүзеге асырылған.
Сондай-ақ, кездесу барысында голландиялық инвесторлардың қатысуымен «Answer» ҚҚ салған, бұрын сотталғандарға арналған оңалту-бейімделу орталығына қатысты мәселелер талқыланды. Өткен жылдың қыркүйек айында Өскемен қаласының мамандандырылған соты ғимараттың құрылысы заңсыз екендігін айтып, «Answer» ҚҚ-на орталықты бұзуды міндеттеген болатын.
Аймақ басшысы Даниал Ахметов кездесу кезінде тиісті басқармаларға оңалту орталығына байланысты мәселелерді 2016 жылдың бірінші жарты жылдығында шешу үшін, шара қолдануды тапсырды.
