Астанада ТМД сыртқы істер министрлері кеңесінің отырысы өтті

15 Қазан, 2015 19:43

ТМД сыртқы істер министрлері кеңесінің кезекті отырысы 2016 жылы сәуірде Мәскеуде өтеді. Бұл туралы бүгін Астанада ТМД сыртқы істер министрлері кеңесінің отырысында ТМД-ның атқарушы хатшысы Сергей Лебедев мәлім етті.

«ТМД сыртқы істер министрлері кеңесінің кезекті отырысын өткізу туралы шешім қабылданды. Ол жалпы уағдаластыққа сәйкес 2016 жылдың 8 сәуірінде Мәскеуде өтеді», - деді ол.

Айта кетейік, Астанадағы отырыстың қорытындысы бойынша сыртқы істер министрлері БҰҰ-ның құрылуының 70 жылдығына байланысты ТМД мемлекет басшылары мәлімдемесінің жобасын, сондай-ақ халықаралық лаңкестікпен күрес туралы мәлімдеменің, ТМД мемлекет басшыларының Чернобыль АЭС-тегі апаттың орын алуына 30 жыл толуына қатысты үндеуі жобаларын және басқа да бірқатар құжаттардың жобасын мақұлдады.

«Келесі жылы достастық өзінің өмір сүру жарты ғасырлығын тойлайды. Осы орайда министрлер ТМД-нің 25 жылдығына үлкен мән береді. Бұл жоспар әр түрлі ауқымда тойланбақ», - деді С.Лебедев.

Сондай-ақ, бірқатар мекемелерге ТМД елдерінің базалық мәртебесін беру қарастырылды.

Құжаттардың жобасы қарастырылған соң Мемлекет басшыларының кеңесі мен ТМД үкіметтерінің басшыларына беріледі. Шараның қорытындысы бойынша, ТМД елдерінің сыртқы істер министрлігі кеңесінің отырысы 2016 жылы Мәскеуде өтеді.

Барлық жаңалықтар