• Басты
  • Қазақстанның Әскери-теңіз күштерінде үздік әскери қызметшілер анықталды (ФОТО)
16 Қазан, 2015 10:18

Қазақстанның Әскери-теңіз күштерінде үздік әскери қызметшілер анықталды (ФОТО)

Қазақстанның Әскери-теңіз күштерінде үздік әскери қызметшілер анықталды (ФОТО)

Байқауға келісімшарт қызметінің матросынан бастап дивизион старшинасы, командалық буын старшинасы және Қазақстанның суүсті корабльдерінің боцмандарына дейінгі әскери қызметшілер қатысты, деп хабарлады ҚР Қорғаныс министрлігі.

Турнир екі кезеңде өтті, жағалық және теңіздік. Әскери қызметшілерге жеке құрамды корабльге орналастыру, корабльдің жандылық үшін күресуі кезінде рейдтік қызметті сақтау және техникалық құралдарды пайдалану ережелерін сақтау, сондай-ақ корабльдің корабльді зәкірлік, тартқыш және тиеу құрылғыларының бүтін жай-күйі мен әзірлігін сақтау мәселелерінде барынша шеберліктері мен дағдыларын көрсету қажет болды. 

«Байқаудың екі кезеңінің қорытындысы бойынша 10 үздік әскери қызметші айқындалды. Олар: электр механикалық, зымыран-артиллериялық, штурмандық жауынгерлік бөлімдер мен радиотехникалық құралдар мен байланыс жауынгерлік бөлімінің техниктері мен старшиналары болды», - делінген хабарламада.

Үздік корабль старшинасы 3-сыныпты старшина Т. Күшкінбаев, үздік боцман 3-сыныпты старшина Б. Медетов болып танылды.

ҚР ҚК ӘТК старшинасы штаб-старшина Айдәулет Ұрдабаев  атап өткендей, мұндай іс-шаралар  күнделікті тыныс-тіршілікті ұйымдастыру, бағынысты жеке құрамға басшылық ету және корабльді құрылғыларды пайдалану мәселелерінде старшиналық құрамның білімі мен машығын анағұрлым арттырады.

Барлық жаңалықтар