Астанадағы жәрмеңкеге СҚО мен Қостанай облыстары мың тоннаға жуық тауар жеткізеді
15 Қазан, 2015 20:21
Алдағы демалыс күндері Астанада кезекті ауыл шаруашылық жәрмеңкесі өтеді. Елорда тұрғындары мен қонақтары осы жолы Солтүстік Қазақстан мен Қостанай облыстарының үздік тауар өндірушілерінің өнімдерін сатып ала алады.
Солтүстік Қазақстан мен Қостанай облыстарының фермерлері 1000 тоннаға жуық өнім ұсынады. Еске салайық, Қазақстан өңірлерінің қатысуымен өтетін апта сайынғы ауыл шаруашылық жәрмеңкесі Астана қаласы әкімдігінің азық-түлік бағасын тұрақтандыру мақсатында іске асырылады. Елорда тұрғындары тауар өнімдерін нарық бағасынан 15-20 % арзанға сатып алады.
Астанада қыркүйек айының басынан бері Жамбыл, Павлодар, Шығыс Қазақстан, Қарағанды, Батыс Қазақстан, Атырау, Оңтүстік Қазақстан, Қызылорда облыстарының ауыл шаруашылық жәрмеңкелері өткен болатын.
