Қазпочта трек нөмірі бар электронды марка шығарды

«Қарапайым хаттар көптеген елдерде трек нөмірсіз жіберіліп, ақпараттық жүйелерде бақыланбайды. Бақылау жүйесі тек тіркелген хаттарда және сәлемдемелерде болатын. Қазақстан ТМД елдерінде бірінші болып осы жобаны енгізді. Қазіргі таңда қызметпен ШҚО, ОҚО және Астана тұрғындары қолдана алады» - деп «Қазпочта» АҚ Басқарма Төрағасы Бағдат Мусин түсіндірді.

Электронды маркасы бар хаттар абоненттік жәшікке дейін, конверттің бетінде басылған трек нөмір арқылы бақыланады. Сондықтан, конвертке марканы жабыстырудың қажеті жоқ.

Конверттер екі түрде шығарылады 110х220 мм және 162х229 мм, 20 граммға дейінгі қарапайым хатты жіберу бағасы 60 теңге, қосымша қызмет ретінде бақылау мүмкіндігін қосу 40 теңге.

Бақылау жүйесі компанияның ресми сайтында, MyKazpost мобильді бағдарламасында және көпшілікке мәлім «Telegram» мессенджеріндегі сәлемдеменің немесе хаттың орналасқан жері ауысқан кезде лезде хабарлайтын @KazPostBot атты жүйеден қарауға болады.