ҚР БҒМ-да гендерлік білім беру келешегі талқыланды

Семинар Қазақстан Республикасының Білім және ғылым министрлігінің ғимаратында өтті.  

Семинар мақсаты – «Қазақстан Республикасындағы мамандандырылған және мамандық алды салалар аясында элективті курстардың гендерлік өлшемдері» таңдалған зерттеуінің қортындысы және білім беру жүйесінің барлық деңгейіне гендер құраушыларын енгізу бойынша ұсыныстарын орындау. Зерттеу «Status» әйелдер федерациясы» қоғамдық бірлестігімен жүргізілді.

Семинарға – Ұлттық комиссия мүшелері, Қазақстан Республикасы Парламент депутаттары, ғалымдар, гендерлік білім бойынша сарапшылар, гендерлік білім бойынша зерттелген элективті курс авторлары, ЖОО және колледж оқытушылары мен мектеп мұғалімдері, сонымен қатар осындай мәселелермен айналысатын үкіметтік емес ұйымдардың көшбасшылары шақырылған. 

Семинарда келесі тақырыптар бойынша қатысушылардың баяндамалары жоспарланған: «Қазақстан Республикасындағы гендерлік білім беру туралы», «Қазақстан Республикасында бейіналды дайындық және бейіндік оқыту шеңберіндегі элективті курстардың гендерлік өлшемі» кабинеттік зерттеудің қорытындылары туралы», «Жоғары оқу орындарының қазақ бөлімдерінде гендерлік теңдік бойынша элективті курстардың оқытылуы: жетістіктер мен кемшіліктер теңгерімі», «Қазақстандағы гендерлік білім беру: саясат және  практика», «Жоғары мектепте гендерлік білім беруді енгізу», «Жоғары оқу орындарында гендерлік пәндерді оқыту: мәселеге қайта қарау қажеттігі», «Адамның тұлғалық өсуі үшін гендерлік білім берудің рөлі», «ҚазМемҚызПУ Әлеуметтік және гендерлік ғылыми-зерттеулер институтының Қазақстандағы гендерлік теңдікті жүзеге асырудағы қызметі ».

Семинардың соңында талқылау болды.