• Басты
  • ЕҰУ техникалық реттеу саласының мамандарын дайындайды

ЕҰУ техникалық реттеу саласының мамандарын дайындайды

15 Қазан, 2015 16:37
ҚР ИДМ-нің Техникалық реттеу және метрология комитеті мен Л.Гумилев атындағы ЕҰУ арасындағы ынтымақтастық туралы меморандумға Астанада Л.Гумилев атындағы Еуразиялық ұлттық университетінің ректоры Ерлан Сыдықов пен ҚР ИДМ Техникалық реттеу және метрология комитетінің төрағасы Біржан Қанешев қол қойды, деп хабарлады комитет.

Тиісті мамандарды дайындауға бағытталған бірлескен жобаларды жүзеге асыру, өзекті бағыттар бойынша бірлескен ғылыми-зерттеу, тәжірибелік-конструкторлық жұмыстарын жүргізу жөніндегі құжатқа ұйымдастырушысы ҚР Инвестициялар және даму министрлігі болған Дүниежүзілік стандарттар күніне орайластырылған іс-шаралар шеңберінде қол қойылды

Белсенді диалогты орнатуға екі жақты ұмтылу техникалық реттеу саласындағы мамандарды дайындау үшін мемлекеттік инновациялық саясатын іске асыру үшін өте перспективалық және талап етілген бағыттар салынған жағдайда озық жұмыс істеу қажеттілігіне негізделген.

Жасалған меморандум шеңберіндегі іс-әрекеттерді келісу экономиканың әртүрлі салаларында теориялық және тәжірибелік дағдылары бар жоғары деңгейлі мамандарды дайындауға мүмкіндік беретін маңызды және қажетті процесс болып табылады, себебі стандарттаудың адамдардың жұмысына, өміріне, денсаулығына қауіпсіз жағдай жасау және қоршаған ортаны сақтау үшін үлкен мәні бар.

Қазіргі күні ҚР Инвестициялар және даму министрлігінің Техникалық реттеу және метрология комитеті еліміздің 25 жетекші ЖОО-мен ынтымақтастық туралы меморандум жасалғандығын, «Стандарттау, сертификаттау және метрология» мамандығы бойынша еліміздің 43 ЖОО-нда оқытатындығын атап өтеміз.

 

Барлық жаңалықтар