• Басты
  • Астанада «Болашақ» түлектерінің жыл сайынғы білім беру көрмесі өтеді

Астанада «Болашақ» түлектерінің жыл сайынғы білім беру көрмесі өтеді

15 Қазан, 2015 12:39
Астанада «Болашақ» түлектерінің жыл сайынғы - Bolashak Alumni Reunion Conference and Education Fair 2015 білім беру конференция-көрмесі өтеді, деп хабарлады ҚР БҒМ «Халықаралық бағдарламалар орталығы» АҚ президенті Ғани Нығметов ОКҚ-дағы баспасөз конференциясында.

«Астанада ертең «Болашақ» бағдарламасының халықаралық конференциясы мен көрмесі өтеді. Ол осымен екінші жыл қатарынан өткізілгелі жатыр, өткен жылы ол өте табысты өтті. Көрмеге қатысуға әлемнің 40 университетінен 4 мыңнан астам қатысушы келді. Біз оны дәстүрге айналдыруды ұғайрдық, ағымдағы жылы да дәл солай өткізілетін болады», - деп мәлімдеді Ғ. Нығметов.

Оның айтуынша, бұл білім беру мен халықаралық тенденциялар мәселелері бойынша  пікір алмасу үшін бірегей алаң.

«BARCEF алаңы шараға қатысушыларға «Болашақ» стипендиясы бағдарламасының алдағы бес жылдық жоспарымен танысуға, бағдарлама серіктестерімен  бәсекеге қабілетті мамандарды дайындау туралы пікір алмасуға мүмкіндік береді», - деп атап өтті «Халықаралық бағдарламалар орталығы» АҚ президенті.

Бұдан басқа,  BARCEF 2015 барысында әлемнің жетекші оқу орындары өздерінің оқу бағдарламаларының үлгісінің таныстырылымын өткізеді.

Айта өтейік, жыл сайынғы Bolashak Alumni Reunion Conference and Education Fair 2015 білім беру көрмесі ҚР БҒМ бастамасымен өткізіледі.

Индира Кауметова

Барлық жаңалықтар