ШҚО жастары «100 нақты қадам» Ұлт жоспарын жүзеге асыруға белсенді араласуда
15 Қазан, 2015 16:21
Партияның «Жастар Отанға» жобасы аясында «ОРЕОЛ» БПҰ Өскемен қаласы «Нұр Отан» партиясының филиалының ұйымдастыруымен «Біртектілік пен бірлік», «100 нақты қадам» ұлттық жоспарын түсіндіру бойынша жастармен кездесу болып өтті, деп хабарлады партияның филиалы.
Елбасы еліміздің ертеңі жастарға үлкен үміт артады. «100 нақты қадам» ұлттық жоспарын түсіндіру аясында өткен шараға Өскемен қаласының жұмысшы жастары, азаматтық қоғам өкілдерімен қатар студентер де қатысты.
«Қазақстанның болашағы бүгінгі жас ұрпақ, сіздердің қолдарыңызда. Сондықтан да біз Елбасы Н. Назарбаевтың «100 нақты қадам» тағыда басқа ұлттық жоспарларын талқыға салып, түсіндіру үшін жыйналып отырмыз», - дейді «Нұр Отан» партиясы қалалық филиалының төрағасының бірінші орынбасары Майраш Екібасова.
Шара соңында, Д.Серікбаев атындағы жастар ісі жөніндегі комитеттің төрағасы Самат Байгереев жыйналған жастар атынан өзінің алғысын білдіріп, талқыға түскен жобаларды іске асыратын осы жастар деп атап өтті.
