Астанадағы Бірыңғай медициналық сall-орталық екі айда 4 мың науқасқа қызмет көрсетті (ВИДЕО)

«№10 емханада жаңа жүйе енгізілген. Егер бүгінгі емханалардың проблемаларын қарастыратын болсақ, біріншісі - емханаға қоңырау шалу өте қиын, екіншісі – ұзын сонар кезек. Бірінші проблеманы Сall-орталықты ұйымдастыру арқылы шештік. Ал, электронды кезек бойынша жаңа жүйе - Triage енгізілді. Оны Қазақстанда жаппай белсенді енгізуде.  Оның негізі - науқас дәрігергердің қабылдауына Сall-орталық,  тіркеу бөлімі  немесе учаскелік дәрігер арқылы online жазылады», - деді Астана қаласы «№10 қалалық емхананың» бас дәрігері Асхат Бралов баспасөз туры барысында.

Бас дәрігер атап өткендей, «ақпараттық технологиялар 25 қоңырауды тәртіп бойынша күту режимінде ұстап тұруға мүмкіндік берді. Содан соң қоңырауы қабылданған әр адам кеңес ала алады». Айта өтейік, Call-орталыққа еліміздің түрлі аймақтарынан науқастың қоңырауы келіп түседі.

«Медициналық Call-орталық 2014 жылдың ақпан айында Astana Innovations пилоттық жобасы ретінде ашылған болатын. Соңғы екі айда шамамен 4 мыңға жуық қоңыраулар келіп түсті», - деді  А.Бралов.

Сонымен қатар, балалар мен үлкендердің мамандардың қабылдауында болу барысында немесе тіркеу алдында өзара кездеспеуі үшін емханада «Triage-жүйесі» енгізілді. 

«Жасыл» дәліз бұлар электронды кезек тәртібі бойынша дәрігердің қабылдауына келгендер, «сары дәліз» - бұл еш жазылғай дәрігердің қабылдауына келгендер, яғни мәселесі шұғыл түрде шешілуі тиіс пациенттер. Ал, «қызыл дәліз» бойынша өзін нашар сезініп отырған және маманның көмегіне зәру науқастар жүреді, олар бірден қабылдау-бақылау фильтріне түседі», - деп түсіндірді бас дәрігер емханадағы жаңашылдықты.

Ботагөз Айтжанова