Ауыл шаруашылығының вице-министрі мал етінің экспорттық әлеуетін дамыту туралы баяндады
Бұдан өзге, оның айтуынша, «Агробизнес-2020» бағдарламасында қаржының қолжетімділігін арттыру, жаңа техника мен жабдықтарды сатып алуға инвестициялық субсидиялар беру, займдарды кепілдендіру жолдарымен өнімнің өзіндік құнын азайту шаралары көзделген.
«2012 жылдан бастап селекциялық және тұқымды асылдандыру жұмыстарын жүргізуге аналық мал басын субсидиялау тетігі енгізілді. Бұл ішкі нарықта бұрын сойысқа кеткен ірі қара малдың аналық басына деген сұраныстың өсуіне алып келіп, нарықта етке өткізілуі тиісті мал басының тапшылығы пайда болды», - деп түсіндірді ведомство басшысының орынбасары.
Биылғы жылы асыл тұқымды мал шаруашылығын субсидиялау 2008 жылмен салыстырғанда 6,5 есеге артып, 14 млрд теңгені құрады. «Агробизнес-2020» бағдарламасымен осы бағыт бойынша субсидиялауды 2020 жылға қарай 40 млрд теңгеге дейін арттыру қарастырылған.
Естеріңізге сала кетейік, 11 қазан күні Мемлекет басшысы Үкіметтің кеңейтілген отырысында аграрлық секторды дамыту, ауыл шаруашылығы өнімдерін қайта өңдеу және экспорттау және ауыл шаруашылығы мемлекеттік бағдарламаларын қаржыландыру бойынша бірқатар тапсырмалар берген болатын.
