«Нұрлы жол» жобаларын мерзімінде тапсыру үшін 5 млн доллардан астам қарыз тартылады – ҚР ИДМ

«Нұрлы жол» жобаларын мерзімінде тапсыру үшін халықаралық қаржы институттарынан 5 млн доллардан астам көлемде займ тарту жоспарлануда. Тартылған қаржы есебінен мына жобалар жүзеге асырылады: Қарағандыдан Куртовқа дейін  «Орталық-Оңтүстік» жобасы, Астанадан Астраханьға дейін «Орталық - Батыс» жобасы, сонымен қатар Ұзынағаш-Отар, Жетібай-Жаңаөзен учаскелері», - деді А.Беков.

Сонымен, бүгінде аталмыш учаскелер бойынша техникалық-экономикалық негіздеме мен жобалық сметалық құжатнаманы жасақтау жұмыстары жүргізілуде.

«Жыл соңына дейін және 2016 жылдың алғашқы жарты жылдығында займ туралы келісімді ратификациялау және қол қою  жоспарлануда. Жобаларды жүзеге асыру 2016 жылдың екінші жарты жылдығына қарастырылған», - деп толықтырды комитет төрағасының орынбасары.

«Президент Қазақстанның орталығын негізгі ірі өңірлермен жалғау тапсырмасын алға қойды. Біз Астана-Алматы, Астана-Өскемен, Орталық-Батыс жобаларын жүзеге асырамыз. Осы жобаны жүзеге асыру мақсатында ағымдағы жылдың аяғына дейін 5 млрд астам АҚШ доллары шетелдік инвестицияларын тартуды жоспарлаудамыз», - деп бөлісті ол.

Оның айтуынша, инвестицияларды тарту мәселесі бойынша министрлік Дүниежүзілік банкпен, Еуропалық қайта құру және даму банкімен және бірқатар халықаралық қаржы институттарымен келіссөздер жүргізеді. Келісімдерге биылғы жылдың күзінде келіссөздердің қортындылары бойынша қол қою жоспарланған. 

Ботагөз Айтжанова