«Нұрлы жол» аясында 2015 жылдың соңында Жамбыл облысының шекарасы – Шымкент қозғалысы ашылады

«Негізгі жоба «Батыс Еуропа – Батыс Қытай» болып есептеледі. Аталмыш жобаның жүзеге асуы 2009 жылы басталды. Жоба жұмыс істегелі бері Ресейден Шымкентке дейінгі 1 900 шақырым жол Ақтөбе, Қызылорда және ОҚО-да ашылды», - деді А.Беков.

Төраға орынбасары атап өткендей, «осы жылы Ташкент-Шымкент, Шымкент-Жамбыл облысы шекарасы, Алматы – Қорғасы 483 км созылып жатыр».

«Осы жылдың тамызында Тараз қаласының айналасында 65 шақырым жол құрылысы аяқталды.Шымкент -  Жамбыл облысы шекарасында  79  шақырымдық  жол қозғалысы ашылды», - деді ол.

Айта кетейік, «Батыс Еуропа – Батыс Қытай» жобасын іске асыру жалғастырылуда, «Орталық-Оңтүстік» (Астана – Алматы), «Орталық-Шығыс» (Астана – Өскемен), «Орталық-Шығыс» (Астана – Ақтөбе – Атырау – Ақтау), Алматы–Өскемен, Қарағанды-Жезқазған-Қызылорда және Атырау-Астрахан автожол жобаларын іске асыру жалғасуда.

Бүгінгі күнге жобаларға барлығы 34 мердігер ұйым және 64 қосалқы ұйым тартылды, 27 мың жұмыс орыны ашылды және 5 мыңнан астам жол құрылысы техникасы жұмыс жасауда. 

Жобаларды 2009-2014 жылдары іске асыру кезеңінде Ресей Федерациясы шекарасынан Шымкент қаласына дейін Ақтөбе, Қызылорда және Оңтүстік Қазақстан арқылы 1 884 км бойында қозғалыс ашылды. Ташкент-Шымкент-Жамбыл облысының шекарасы, Тараз қаласының айналма жолы және Алматы-Қорғас учаскелерінің 569 шақырымында жұмыс жалғасуда. 

Ботагөз Айтжанова