Б.Сағынтаев пен РФ Үкіметі төрағасының бірінші орынбасары И.Шувалов өзара ынтымақтастықтың бірқатар мәселелерін талқылады

Аталған кездесу РФ Президенті Владимир Путиннің Қазақстанға мемлекеттік сапары қарсаңында өтті.

ҚР мен РФ арасындағы ынтымақтастық бойынша Үкіметаралық комиссияның тең төрағалары Бақытжан Сағынтаев пен Игорь Шувалов екі жақты серіктестік, оның ішінде отын-энергетикалық кешен, өнеркәсіп, атом энергетикасы, көлік саласындағы мәселелердің кең ауқымын талқылады. 

Кездесу барысында сондай-ақ Қазақстанның ДСҰ-на енуі кезінде қабылдаған міндеттемелері, және оларды Еуразиялық экономикалық одақтың келісім базасына имплементациясы талқыланды. 

Тараптар өзара тиімді ынтымақтастықты, оның ішінде ЕАЭО аясындағы ынтымақтастықты күшейтуге зор әлеуетті атап өтті.