ҚР өндірушілері Омбыдағы сауда миссиясының қорытындысы бойынша РФ-мен экспорттық келісім орнатуды жоспарлауда (ФОТО)

14 Қазан, 2015 17:54

Омбы қаласында қазақстандық өндірушілердің сауда миссиясы өтті, шараны ҚР ИДМ «KAZNEX INVEST» экспорт және инвестиция жөніндегі Ұлттық агенттік» мен Омбы қаласының Сауда-өндірістік палатасы ұйымдастырды.

17 машина жасау, химия, астық, фармацевтика, жеңіл өнеркәсіп өндірушісі ресейлік көтерме-сатып алу компанияларымен келіссөздер өткізді.

Омбыда қазақстандық тауарларды тіркеу мен қазақстандық компаниялардың мемлекеттік сатып алуға қатысуы бойынша мемлекеттік органдардың кездесуі өтті.

Шараның қорытындысы бойынша, экспорттық келісім бойынша трансформатор, сорғы, энергия үнемдейтін жарықтандыру қондырғылары, кондитерлік өнімдер ұйымдарымен 2 млн доллардың келісімін орнату қарастырылған.

«Аталмыш аймақтың нарығын біздің өнім бойынша 100.000.000 рубльге бағалауға болады. Аталмыш шараның қорытындысы бойынша 1 млн доллардың келісіміне қол қою жоспарланып отыр», - деді РФ-дағы «Орал трансформатор зауыты» ЖШС төрағасы Ермек Ержігітов.

Айта кетерлігі, бұл Омбыда өткізіп отырған KAZNEX INVEST үшінші шарасы.

Осыған дейінгі сауда миссияларының қорытындысы бойынша Қазақстанның 40 өндірушісі қатысып, 46 млн доллардың келісімі орнатылды.

Жыл соңына дейін сауда миссиясы мен отандық өнімді Новосібір мен Әзірбайжанда ұсыну жоспарланған.