Қазақстанда өнеркәсіптік өнімдерінің нақты көлем индексі 99 % құрады
14 Қазан, 2015 12:47
Қазақстанда өнеркәсіптік өнімдерінің нақты көлем индексі 99 % құрады, деп хабарлады ҚР ҰЭМ Статистика комитеті.
2015 жылғы қаңтар-қыркүйекте 2014 жылғы ұқсас кезеңмен салыстырғанда шикі мұнай, тас көмір және темір кендерінің өндірісі төмендеді.
Тамақ өнімдерінің, сусындардың, темекі, мұнай өңдеу және автокөлік құралдарын жасау өнімдерінің өндірісі қысқарды. Сонымен бірге, табиғи газ және түсті металл кендерінің өндірісі өсті. Резеңке және пластмасса бұйымдары, жеңіл өнеркәсіп өнімдері, металлургия және химия өнеркәсібі өнімдерінің өндірісі жоғарылады.
Төмендеу Ақтөбе, Батыс Қазақстан, Жамбыл, Қостанай, Қызылорда, Маңғыстау, Павлодар және Шығыс Қазақстан облыстарында тіркелді. Өнеркәсіптік өнімдерінің өндіріс көлемінің өсуі республиканың 8 өңірінде байқалды.
