Көліккоммин техникалық талаптарға сай келмейтін 65 вагонды пайдалануға тыйым салды

31 Қазан, 2013 11:46

ҚР ККМ Көліктік бақылау комитетінің теміржолдың жүк паркіне жүргізген жоспардан тыс тексерісі барысында вагондарға технологиялық үдерісті бұза отырып жасалған тетіктерді орнату жағдайлары анықталуда, деп Көлік және коммуникация министрлігінің баспасөз қызметі хабаралады.

«65 жүк вагонына конструкциясына қатайтқыш элементтерсіз 71 бүйір рамасының орнатылған. Бұл деген құмалардың ақаулары орналасқан тұстарында жарықшақ пайда болып, олардың морт сынуына әкелуі мұмкін», - деп хабарламада нақтыланған.

1994 жылы шыққан аталмыш бүйір рамалар «Кременчугский сталелитейный завод» АҚК-ның өнімі деп маркаланған, алайда кәсіпорынның өзі бұл деректі растамай отыр.

Айта кетерлік және бір жай, 2012-2013 жылдарғы кезеңде бүйір рамаларының сынып кетуінің 25 оқиғасы орын алған. Соның салдарынан шамамен 200 млн. теңгедей шығын келген.

Сонымен қатар тексеріс шараларының барысында ағымдағы жылғы 9 айда Комитет техникалық талаптарға сай болмауы себебіне байланысты 229 локомотивтің, 2 331 вагонның, 158 арнайы жол техникасының пайдаланылуын тоқтатты.

Барлық жаңалықтар