Қазақстанда Музейлердің ұлттық кеңесі құрылады
«Қазіргі таңда біз Қазақстанда Музейлердің ұлттық кеңесін құруды қарастырып отырмыз. Бірыңғай республикалық музей жүйесін құру қорытындысында барлық музейлер бір ұйымға біріктірілетін болады. Музйлер арасындағы байланыс елдің ішінде , сыртында да орнатылады», - деді Г.Ахмедияров.
Вице-министр атап өткендей, Ұлтты кеңес қосымша музей қорларын тарту мен іздеуді жүзеге асырады. Археология саласында зерттеу жобаларына қызметкерлерді тарту үшін жұмыс істейді.
«Қазақстан музейлері ғылыми мекемелердің, мұрағаттардың кітапханалардың орталығы мен тірегіне айналуы керек», - деді ол.
Спикердің айтуынша, бүгінде музей ісінің негізгі мақсаты музей қоррының есебін жасау, ол музей саласындағы тәртіптерді заңнамалық тұрғыда бекіту және бірыңғай тәсілдің әзірленуіне сеп болу. Сондай-ақ, музей қорлары бірыңғай базада тіркеліп, IT-технологиялар мен иновацияларды тарту үшін жұмыс істеуі қажет.
