Қарағанды облысында заңдастырылған жалпы жылымайтын мүлік құны 2 млрд теңгеден асты

14 Қазан, 2015 15:03

Қарағанды облысында заңдастырылған жалпы жылымайтын мүлік құны 2 млрд 845 мың теңгені құрады, деп хабарлады облыс әкімдігі.

Экономика және қаржы басқармасының мәліметі бойынша, өтініштердің басым бөлігі – 305 – Қарағанды қаласынан келіп түсті. Барлығы 643 өтініш тіркелді, 189-ы бойынша заңдастыру туралы шешім қабылданды, 431-і кері қайтарылса, 23 қарастырылуда.

2015 жылдың соңына дейін аудандар мен қалалардың комиссиялары тағы 115 нысан жария етіледі деп болжам жасауда.
Бұл Қазақстандағы осымен үшінші заңдастыру. Алғашқысы 2001 жылы, екіншісі 2006-2007 жылдары жүзеге асырылды. Айта кетерлік жайт, сол кездегі заңдастыру барысында белсенділік өте жоғары болды. Ол кезде көлеңкеден шығу мүмкіндігін әр 6-шы тұрғын пайдаланды. Бұл тұста комиссияға барлығы 203 901 өтініш келіп түсті, оның ішінде 134 054 жылжымайтын мүлікті заңдастыру бойынша болса, қалған 69 847 – жылжымалы мүлікті заңдастыруға бағытталған.

Ал, осы жолғы жария етудің ерекшелігі ол 2017 жылдан бастап жалпыға ортақ табыс декларациясын тапсыруға дайындық болып табылады.
Естеріңізге сала кетейік, жария ету экономикалық айналымға қаржы мен мүліктерді тарту мақсатында жүзеге асырылуда. Бұл науқан 2015 жылдың 31 желтоқсанына дейін жалғасады. Ал, өтініш беру мерзімі ағымдағы жылдың 30 қарашасында аяқталады.

ҚР Қаржы министрлігі Үкіметке жария ету мерзімін 2016 жылдың 31 желтоқсанына дейін ұзарту туралы ұсыныс тастады.