• Басты
  • «Астана» өңірлік қолбасшылығындағы тактикалық оқу-жаттығу ойдағыдай аяқталды (ФОТО)
14 Қазан, 2015 20:43

«Астана» өңірлік қолбасшылығындағы тактикалық оқу-жаттығу ойдағыдай аяқталды (ФОТО)

«Астана» өңірлік қолбасшылығына қарасты 31775 әскери бөлімінің әскери қызметшілері қатысқан тактикалық оқу-жаттығу сәтті аяқталды, деп хабарлады Қорғаныс министрлігінің баспасөз қызметі.
«Астана» өңірлік қолбасшылығындағы тактикалық оқу-жаттығу ойдағыдай аяқталды (ФОТО)

Бұл оқу-жаттығудың мақсаты қойылған оқу-жауынгерлік тапсырмаларды орындау, шартты қарсыластың шабуылы кезінде бөлімшелердің өзара іс-қимылын пысықтау, әскери қызметшілердің үйлесуін жетілдіру болып табылды.

Аталған тактикалық оқу-жаттығудың ерекшелігі артиллерия мен жаяу әскердің жауынгерлік машиналарының бірлескен өзара іс-қимылы болып табылады. «Оқу-жаттығуға 100-ден астам жеке құрам, 20 жауынгерлік машина қатысты, оның ішінде 4 артиллериялық зеңбірек», - деді «Астана» ӨңҚ жауынгерлік даярлық бөлімінің бастығы полковник Юрий Асқаров. Бөлімшелердің үйлесімі кезеңін пысықтау үшін шартты қарсыластың іс-қимылдарын елестете отырып, жауынгерлікке барынша жақындатылған жағдай жасалды.

Оқу-жаттығу барысында 31775 әскери бөлімінің әскери қызметшілері жауынгерлік ресурстарды және шартты қарсыластың орналасуын айқындау үшін жергілікті жерді зерделеді.  Содан кейін осы бөлімнің арнайы бөлімшесі операцияны өткізу ауданына негізгі күштерді ауыстыру үшін марш жасады.   Аталған тактикалық оқу-жаттығу әскери қызметшілердің далалық машығын нығайтуға, жауынгерлік әзірлікті шыңдауға, жеке құрамның нақты өзара іс-әрекетін ұштауға мүмкіндік береді.


 

Барлық жаңалықтар