«Қазақстанның ғарышкер-ұшқышы» атағы ғарышкер А.Айымбетовке берілді
14 Қазан, 2015 09:31
Елбасы Нұрсұлтан Назарбаев А.Айымбетовке «Қазақстанның ғарышкер-ұшқышы» атағын беру туралы Жарлыққа қол қойды, деп хабарлады Ақорданың баспасөз қызметі.
«А.А.Айымбетовке «Қазақстанның ғарышкер-ұшқышы» құрметті атағын беру туралы
ҚАУЛЫ ЕТЕМІН:
1. Космонавтиканы дамытуға сіңірген еңбегі, «Союз ТМА-16М» ғарыш кемесінде ұшу бағдарламасын табысты орындағаны үшін Қазақстан Республикасының ғарышкері Айдын Ақанұлы Айымбетовке «Қазақстанның ғарышкер-ұшқышы» құрметті атағы берілсін.
2. Осы Жарлық қол қойылған күнінен бастап қолданысқа енгізіледі», - делінген Жарлық мәтінінде.
